• førstesiden
• nyheter
• artikler
• anmeldelser
• genre
• konserter
• lister
• forum
• rastløs
• ekstranummer
• kontakt oss

Coldplay og Kylie samarbeider

Det er ingen grunn til frykt for svorne Coldplay-fans som var redde for at eit Kylie-samarbeid ville ende i parodien.

Øyvind Berge 

Del på Facebook02.12.08

Etter mykje att og fram blei alle spekulasjonane endeleg stadfesta i går då duetten Lhuna blei sluppe ekslusivt gjennom nettstaden (Red)wire, som ledd i ei veldedighetskampanje i høve Verdas Aids-dag.

Rykta har gått lenge om ein mogleg duett mellom Kylie Minogue og Coldplay, men sanningsgehalten i desse har vore omstridd. Det blei først sagt, av Coldplay sjølv, at Kylie hadde vore i studio med dei og at resultatet ville kome allereie på Viva La Vida. Dette stemte som kjent ikkje. Det blei seinare rapportert at duetten ville kome både på Prospekt’s March EPen og neste års varsla nye studiealbum.

No er det imidlertid ikkje nokon vits i å spekulere meir. Lhuna blei sluppe i går og ligg no ute på (Red)wire sine sider og på red.msn.com.

Songen er ein seig, langsom og ganske skummel sak, ganske langt frå både Kylie og Coldplay sine vanlege musikalske landskap. Ved første gjennomhøyring er det difor ikkje så vanskeleg å forstå kvifor dei valde denne utgjevingsvarianten. Det er lite truleg at denne songen ville ha funne sin naturlege plass på Viva La Vida og Prospekt’s March. På eigahand funkar den derimot som ei veldig overraskande og spennande låt som set begge partar i eit ytterst godt ljos.

Det er ingen grunn til frykt for svorne Coldplay-fans som var redde for at eit Kylie-samarbeid ville ende i parodien. Dette er eit solid stykke arbeid frå begge artistar og for ei ytterst god sak.