Genre:
Rock
Stiler:
Folk / Country / Americana
Spor:
Struck By Lightning
From the Sharp Edge of the Wave
Silence, Come Please Me
Outspoken Spenser Sonnet
Referanser:
Madrugada
Muzzlewhite
Nick Cave
Neil Young
Se også:
Interstate - Elias Jung (2007)
I kjente spor
Nordnorsk kvartett som prøver å finne seg sjølv i fotspora til Madrugada.
Del på Facebook29.05.2005
Første gong eg såg namnet Elias Jung fekk eg to namneassosiasjonar. Ein gjekk i retning den nordnorske salmediktaren Elias Blix, den andre i retning den vidgjetne psykoterapeuten Carl G. Jung. Nå er det ikkje salmesong Elias Jung har på tapetet, men det er til tider ei viss sakral kjensle i uttrykket. Det er heller ikkje psykoterapi som står på programmet, men menneskesinnet er likevel ofte i fokus i tekstane. Så då var kanskje ikkje assosiasjonen heilt i det blå?
Låtskrivar, gitarist og vokalist Stian Grønbeck frå Lofoten tok for nokre år sidan artistnamnet Elias Jung. Det siste året har han fått med seg fleire faste musikarar, så no er Elias Jung også blitt namnet på eit band. I vinter tok dei vegen til Kai Ø. Andersen sitt Athletic Sound studio i Halden. Resultatet her frå er i desse dagar ute på ein firespors EP.
På denne debututgjevinga presenterer dei seg som eit band på søk etter eit personleg uttrykk. Søket deira føregår i terreng både Johnny Cash, Nick Cave, Neil Young, Jason Molina og ikkje minst den nordnorske storebroren Madrugada har frekventert.
Nå skapar slett ikkje Elias Jung musikk som er i nærleiken av kva Høyem og kompani mana fram på si første vitjing i Athletic Sound. Den godaste Jung har likevel såpass til låtskrivarevner at ein ikkje skal sjå bort ifrå at han også finn ein liten personleg plett snart. Denne gongen vert det med tre låtar av dugande, men ikkje så veldig original karakter, og ein noko haltande (From the Sharp Edge of The Wave).
Med Jung si baritonrøyst som det sentrale element prøver Struck By the Light å finne vegen ut av eit dystert landskap. På Neil Young-influerte Silence, Come Please Me er røysta til dama i bandet, Guro Kristin Gjøsdal, med og løftar låta. Noko som og er faktum på den Madrugada-farga Outspoken Spenser Sonnet. Eg trur det er her, i Guro og Elias sitt vokale tospann, at framtida til dette bandet ligg.
Arkiverast under: Har sannsynlegvis potensiale.
Siste anmeldelser
Artikler, nyheter
Savages - Silence Yourself
PLATEOMTALE: Vår anmelder lar seg begeistre av debutalbumet til britiske Savages - som byr på postpunk med ekko fra Patti Smith, Bauhaus og Black Sabbath.
Low i Oslo
Minnesota-bandet feirer 20-årsjubileum med nytt album og turné som fører Low til Blå. Vi varmer opp til konserten med en fersk video som du kan sjekke her.
Jenteslipp
Øya med tre nye navn i dag, Cat Power, Laura Mvulah og Mona & Maria meldt klar for Middelalderparken i august.
Groovissimo
Erlend Ropstad - Hva om det ikke er sånn som du tror at det er
()
Ein sørlending finn stemma si blant ein bunke lågmælte songar om rastlause tider.
Tidligere: